Maryja Bieniešava. Fota Roman Vondrous / CTK / Global Look Press
Ministr justycyi Čechii Maryja Bieniešava, jakaja zajaviła raniej ab isnavańni niekalkich viersij adnosna pryčyny vybuchaŭ na składach bojeprypasaŭ u vioscy Vrbiecicy, pavinna być zvolnienaja. Pra heta zajaviŭ pieršy namieśnik lidara adnoj ź viadučych partyj Čechii — Hramadzianskaj demakratyčnaj partyi (Občanská demokratická strana, ODS) — Zbyniek Staniura, paviedamlajuć České noviny.
Palityk adznačyŭ, što zajava Bieniešavaj (jakaja prahučała paśla taho, jak premjer-ministr Čechii Andrej Babiš skazaŭ, što va ŭładaŭ krainy jość tolki adna viersija vybuchu na składach — ab datyčnaści da hetaha rasijskich śpiecsłužbaŭ) aznačaje, što niekatoryja siabry ŭrada nie daviarajuć svajmu kiraŭniku. Bieniešavu, sa słoŭ Staniury, treba «adnaznačna zvolnić». Pradstaŭniki Hramadzianskaj demakratyčnaj partyi zajmajuć 25 z 200 miescaŭ u pałacie deputataŭ Čechii.
Takija razmovy źjaŭlajucca «surjoznaj prablemaj», kali Čechija vysyłaje rasijskich dypłamataŭ i prosić padtrymki ŭ sajuźnikaŭ, padtrymaŭ Staniuru Ivan Bartaš, kiraŭnik češskaj Pirackaj partyi (22 miescy z 200 u Pałacie deputataŭ).
U toj ža čas pieršy vice-premjer i kiraŭnik MUS Jan Hamačak (uznačalvaje Češskuju sacyjał-demakratyčnuju partyju z 15 miescami ŭ Pałacie deputataŭ) zajaviŭ, što, choć słovy Bieniešavaj jamu nie spadabalisia, jon usio ž taki nie ličyć patrebnym jaje zvalniać za niekalki miesiacaŭ da vybaraŭ.
U kancy krasavika Bieniešava ŭ intervju vydańniu Novinky zajaviła, što joj viadoma ab troch viersijach pryčyn vybuchaŭ u vioscy Vrbiecicy. «Ja bačyła tolki paviedamleńnie kontrvyviedki, da «žyvych» materyjałaŭ rasśledavańnia nichto nie maje dostupu», — skazała tady Bieniešava.
Hamačak adznačyŭ, što, robiačy svaju zajavu, Bieniešava nie mieła nieabchodnaj infarmacyjaj, bo nie atrymlivała ad śpiecsłužbaŭ padrabiaznych spravazdač.
«Jaje vystup nie pajšoŭ nam na karyść. Mahčyma, było b lepš, kali b kalehi byli bolš aściarožnymi ŭ svaich vykazvańniach», — cytuje Hamačaka vydańnie iRozhlas.
