Fota Nadziei Bužan
Pavodle źviestak Ministerstva achovy zdaroŭja Izraila, pieršuju dozu vakcyny atrymali 5 405 523 čałaviek, druhuju dozu — 5 094 785, paviedamlaje Newsru.co.il.
Całkam vakcynavana kala 55% nasielnictva krainy i kala 75% darosłaha nasielnictva (ludzi, starejšyja za 16 hadoŭ). Pieršuju pryščepku atrymali kala 58% izrailcian, bolš za 79% darosłaha nasielnictva.
Z 1 sakavika Ministerstva achovy zdaroŭja dazvoliła rabić pryščepki tym, chto pierachvareŭ na karanavirus, pry ŭmovie, što im spoŭniłasia 16 hadoŭ i što z momantu ich vyzdaraŭleńnia prajšło bolš za 3 miesiacy. U adroźnieńnie ad tych, chto nie chvareŭ, ludzi, jakija pieranieśli kavid, atrymlivajuć tolki adnu dozu vakcyny dla zamacavańnia imunnaha adkazu.
Pytańnie ab vakcynacyi niepaŭnaletnich abmiarkoŭvajecca. Pravodziacca daśledavańni. 31 sakavika kampanija Pfizer abviaściła, što vakcyna suprać kavidu na 100% efiektyŭnaja dla padletkaŭ, starejšych za 12 hadoŭ.
Pavodle źviestak resursu OurWorldInData, Izrail źjaŭlajecca suśvietnym lideram pa kolkaści vakcynavanych ad COVID-19. Taksama ŭ top-10 AAE, Vialikabrytanija, ZŠA, Čyli, Vienhryja, Bachrejn, Sierbija, Hiermanija, Francyja.
Tym časam u Biełarusi pieršuju dozu vakcyny ad kavidu atrymali tolki 3% nasielnictva.
