Pavodle jaho słoŭ, heta Alaksandr Fiaduta, Juryj Ziankovič, Ryhor Kastusioŭ, Volha Hałubovič, Dźmitryj Ščyhielski, Alaksandr Pierapiečka, Pavieł Kułažanka, Vital Makaranka i Ihar Makar. Pieršyja čaćviora ŭtrymlivajucca ŭ śledčym izalatary KDB.
Hienieralnaja prakuratura ŭ dačynieńni da Ščyhielskaha, Pierapiečki, Kułažanki, Makaranki i Makara zavočna prymianiła mieru strymańnia ŭ vyhladzie zaklučeńnia pad vartu.
«Śledčaje ŭpraŭleńnie KDB u kampietentnyja ŭstanovy justycyi ZŠA nakiravała prośbu ab akazańni pravavoj dapamohi, u ramkach vykanańnia jakoj ad zapytanaha boku patrabujecca vyznačyć miescaznachodžańnie fihurantaŭ, pravieści ich dopyty, vykanać inšyja śledčyja i pracesualnyja dziejańni, nakiravanyja na ŭsiebakovaje daśledavańnie ŭsich abstavin spravy.
Adnačasova inicyjavanaje pytańnie ab ekstradycyi nazvanych asob u Biełaruś».
«Anałahičnyja daručeńni ŭ dačynieńni da Ihara Makara i Vitala Makaranki najbližejšym časam buduć nakiravanyja ŭ Litvu i Ukrainu adpaviedna, — raspavioŭ Andrej Jaraš. — Kamitet dziaržbiaśpieki čakaje ad amierykanskich i inšych zamiežnych partnioraŭ apieratyŭnaj i ŭsiebakovaj prapracoŭki našych zapytaŭ, a taksama stanoŭčaha vyrašeńnia pytańniaŭ ab ekstradycyi ŭ Biełaruś pieraličanych hramadzian dla ich pryciahnieńnia da ŭstanoŭlenaj zakonam adkaznaści».
Chto tyja ludzi, kaho abvinavacili ŭ padrychtoŭcy zamachu na Łukašenku?
Juraś Ziankovič — amierykanski advakat, jaki mieŭ kałasalnaje žadańnie źviartać na siabie ŭvahu
Volha Hałubovič aryštavanaja pa spravie «zamachu na Łukašenku»
