Prynamsi 44 čałavieki zahinuli ŭ vyniku abvalvańnia trybuny padčas śviata Łah ba-Omier u rajonie hary Mieron, jakaja raźmieščanaja blizu horada Cfat na poŭnačy Izraila, piša TASS sa spasyłkaj na hazietu The Jerusalem Post.
Pavodle jaje źviestak, bolš za 100 čałaviek atrymali ranieńni.
Častka ludziej mahła atrymać ranieńni abo zahinuć u vyniku ciskaniny, jakaja nastupiła za abvalvańniem trybuny. Arhanizatary śviatkavańnia da viečara čaćviarha naličvali bolš za 100 tys. udzielnikaŭ mierapryjemstva.
Śviata Łah ba-Omier adznačajecca 18 čysła miesiaca ijar pa habrejskim miesiacovym kalendary, jakoje ŭ hetym hodzie pryjšłosia na pieryjad z zachodu sonca 29 krasavika pa poźni viečar 30 krasavika. Jano pravodzicca ŭ pamiać ab spynieńni epidemii, ad jakoj pamierli niekalki tysiač vučniaŭ iudziejskaha bahasłova Akivy, jaki žyŭ na miažy I i II stahodździaŭ n.e. Pa tradycyi padčas hetaha śviata palać vohniščy.
