«Biełaruskija NPZ pracujuć u štatnym režymie. Poŭnaja zabiaśpiečanaść unutranaha rynku aŭtamabilnym palivam i palityka strymlivańnia cenaŭtvareńnia zastanucca niaźmiennymi. Tamu ekśpiertnyja pazicyi, što raspaŭsiudžvajucca ŭ ŚMI, ab mahčymym deficycie i rezkim padaražeńni aŭtamabilnaha paliva biezumoŭna nosiać pravakacyjny charaktar», — skazaŭ Ciščanka, kamientujučy publikacyi ŭ šerahu ŚMI na fonie paviedamleńniaŭ ab mahčymym prypynieńni pastavak nafty na NPZ «Naftan» ad bujnych rasijskich NK z-za adnoŭlenych sankcyj ZŠA.
Jak paviedamlałasia, ahienctva Reuters raniej sa spasyłkaj na krynicy ŭ rasijskich NK pieradało, što najbujniejšyja pastaŭščyki nafty ŭ Biełaruś — «Rasnafta» i «Surhutnaftahaz» mohuć admovicca ad pastavak nafty na «Naftan», bajučysia nastupstvaŭ amierykanskich sankcyj u dačynieńni da kancerna «Biełnaftachim» i 8 kampanij, jakija ŭvachodziać u jaho skład.
19 krasavika Minfin ZŠA admianiŭ maratoryj na sankcyi, jaki dziejničaŭ z kastryčnika 2015 hoda, u dačynieńni da kancerna «Biełnaftachim», jaho handlovaha pradstaŭnictva ŭ ZŠA i siami pradpryjemstvaŭ, jakija ŭvachodziać u jaho skład.
Čytajcie taksama:
«Heta moža być fatalnym». Taćciana Manionak pra imaviernaje skasavańnie pastavak rasijskaj nafty
U Biełarusi dziejničajuć dva NPZ — Naftan i Mazyrski NPZ. U 2020 hodzie jany pierapracavali kala 16 młn ton nafty. Patrebnaści ŭnutranaha rynku Biełarusi ŭ naftapraduktach składajuć 7-8 młn ton štohod.
