Hramadzianin Biełarusi, jaki prybyŭ u Salečniki na hruzaviku Scania, zajaviŭ, što viazie DSP tranzitam praź Litvu. Litoŭskija pamiežniki vyrašyli pravieryć hruz i adpravili mašynu na renthien, paviedamlaje mytnaja słužba Litvy.
Akazałasia, u plitach DSP było schavana kala paŭmiljona pačkaŭ cyharet na sumu bolš za 1,7 młn jeŭra.
Kiroŭcu, jaki pieravoziŭ tavar, aryštavali na miesiac. Pa fakcie kantrabandy pačali dasudovaje rasśledavańnie.
Heta ŭžo šosty za paŭhoda pierachop vializnych partyj kantrabandnych cyharet ź Biełarusi na miežach Polščy i Litvy. Tak, 22 lutaha polskija mytniki spynili kantrabandu 1,8 młn pačkaŭ ahulnym koštam bolš za 6 młn jeŭra.
0
0
0
0
0
0
