Naminalnaja naličanaja siaredniaja zarabotnaja płata rabotnikaŭ Biełarusi ŭ sakaviku 2021 hoda skłała 1384,7 rubla, paviedamlaje Biełstat.
U lutym hetaha hoda siaredniaja zarabotnaja płata rabotnikaŭ była 1277,1, a ŭ studzieni — 1290. Danyja pryvodziacca da vyliku padachodnaha padatku (13%) i abaviazkovych strachavych uznosaŭ u Fond sacyjalnaj abarony (1% z zarobkaŭ rabotnikaŭ).
Siaredniaja zarpłata ŭ sakaviku paśla ŭsich abaviazkovych vylikaŭ skłała kala 1191 rubla. U pieraliku ŭ dalary pa siarednim kursie Nacbanka ŭ sakaviku hetaja suma składaje kala 457 dalaraŭ.
Siarod rehijonaŭ tradycyjna lidziruje stalica: siaredni zarobak minčukoŭ u sakaviku dasiahnuŭ 2062,9. U Minskaj vobłaści siaredni zarobak skłaŭ 1337,5, Homielskaj — 1196,3, Haradzienskaj — 1176,1, Bieraściejskaj — 1157,3, Viciebskaj — 1121,3, Mahiloŭskaj — 1102,7.
