Lindeman z charakternym akcentam śpiavaje na ruskaj pra rodnyja viatry, siniuju smuhu, tavaryšaŭ i lubimy horad, jaki moža spać spakojna, piša meduza.io.
Kavier na «Lubimy horad» uvajšoŭ u saŭndtrek novaj vajennaj karciny Cimura Biekmambietava i Siarhieja Trafimava «Dzieviatajeŭ», u kancy krasavika vyjdzie klip. Hałoŭny hieroj filma — saviecki lotčyk-źniščalnik Michaił Dzieviatajeŭ, jaki ŭciok z kancłahiera na bambardziroŭščyku.
U intervju «Kamsamolskaj praŭdzie» Biekmambietaŭ raspavioŭ, što Lindeman sam pryjšoŭ da jaho z prapanovaj vykanać hetuju pieśniu i źniać na jaje klip:
«Dumaju, tamu, što [Cil] vyras u horadzie Rostak u HDR. Bo ŭ jaho baćka šmat času pravodziŭ u Savieckim Sajuzie, padarožničaŭ, byŭ piśmieńnikam. Bo sam Cil byŭ pijanieram. Bo hetuju pieśniu jamu ŭ dziacinstvie śpiavała mama… i voś jon praz znajomych daviedaŭsia, što ja zdymaju film pra Dzieviatajeva, a «Lubimy horad» budzie lejtmatyvam hetaj karciny. U byłoj HDR Dzieviatajeŭ ličyŭsia hierojem, na vostravie Uziedam staić pomnik jamu, jaho tam ušanoŭvali i ŭ savieckija časy, i paśla abjadnańnia Hiermanii. Tak i vyjšła, što my źniali klip».
