Fota pixabay.com
Dakład Sienata ZŠA pryśviečany stanovišču ŭ Stratehičnym kamandavańni i pytańniam biudžetu na 2022 hod. Taksama zakranutyja temy hatoŭnaści amierykanskaha vajennaha kamandavańnia da bajavych dziejańniaŭ, pytańni stratehii i prahnazavańnia budučych vajennych kanfliktaŭ, tłumačyć Daily Mail.
Zhodna z papiaredniaj zajavaj Stratehičnaha kamandavańnia, siońniašniaje palityčnaje stanovišča maje nieliniejny i niepradkazalny charaktar. Tamu, jak kažuć vajskoŭcy, «my pavinny ŭličvać mahčymaść taho, što ciapierašni kanflikt pryviadzie da ŭmovaŭ, jakija vielmi chutka prymusiać supiernika razhladać mahčymaść užyvańnia jadziernaj zbroi jak najmienš kiepski varyjant dla jaho».
Kiraŭnik Kaśmičnaha kamandavańnia ZŠA Džejms Dykinsan u svajoj zajavie pierad vystupam u Sienacie śćviardžaje, što jaho vajskoŭcy ciapier znachodziacca ŭ ciažkim stanoviščy, bo pierad imi staić zadača padrychtavacca da vajny, padobnych da jakoj nikoli nie było. Aficer padkreśliŭ, što Kitaj ciapier u chutkim tempie buduje vajenna-kaśmičnyja ŭstanoŭki, u tym liku supraćspadarožnikavyja rakiety, a Rasija ŭžo praviała šerah vyprabavańniaŭ kaśmičnych rakiet.
Dykinsan zadaje pytańnie: čamu zaraz amierykancy vymušanyja rychtavacca da vajny ŭ kosmasie, kali raniej kosmas zaŭsiody byŭ mirnaj terytoryjaj daśledavańniaŭ? Na jaho dumku, pryčyna hetaha ŭ tym, što vysokapadrychtavanyja supierniki ZŠA ŭśviedamlajuć usie tyja vyklučnyja vajennyja i ekanamičnyja pieravahi, jakija ZŠA i sajuźniki hetaj krainy atrymlivajuć ad raźvićcia svajho kaśmičnaha patencyjału.
Dakład kiraŭnikoŭ Stratehičnaha kamandavańnia prahučyć u čas napružańnia adnosin z Rasijaj u suviazi z maštabnymi vajennymi vučeńniami hetaj krainy ŭ Čornym mory. Bolš za 100 tysiač rasijskich vajskoŭcaŭ ściahnutyja da ŭkrainskaj miažy.
