— U nas vyklikaje peŭnaje ździŭleńnie, što spadarynia pryznačany pasoł, niekalki razoŭ naviedvajučy Vilniu, Varšavu i jašče niejkija krainy, robić peŭnyja zajavy, u toj ža čas našy partniory nie dajuć da kanca dakładnaha adkazu adnosna taho, u jakim statusie spadarynia pasoł maje namier prybyć u Biełaruś. Kažuć tolki ab žadańni ŭstalavać pramyja kantakty na aficyjnym uzroŭni, — skazaŭ Makiej.
Pavodle jaho słoŭ, biełaruski bok zacikaŭleny ŭ adnaŭleńni pramych kantaktaŭ.
— My hatovyja pryniać amierykanskaha pasła ŭ luby čas, ale my chočam mieć vyraznuju i zrazumiełuju pierśpiektyvu našaha dalejšaha ŭzajemadziejańnia pa ŭsich napramkach z našymi amierykanskimi partniorami. My zacikaŭleny ŭ narmalnych raŭnapraŭnych adnosinach z ZŠA va ŭsich śfierach i abłaściach.
Ale my nie prymajem peŭnyja mietady sproby akazać cisk na Biełaruś, usio roŭna, ad kaho b jany ni zychodzili, i tut padziei apošnich dzion sapraŭdy prymušajuć jašče raz paŭtorna praanalizavać stan našych adnosin z hetaj najbujniejšaj dziaržavaj śvietu i pahladzieć, što i chto staić za sprobaj arhanizacyi dziaržaŭnaha pieravarotu ŭ Biełarusi, jak pra heta było skazana pa linii śpiecsłužbaŭ.
Jon adznačyŭ, što MZS adpaviednym čynam adreahuje na situacyju.
— Ale paŭtarusia jašče raz: my chacieli b staranna vyvučyć usie aśpiekty dla taho, kab arhumientavana i ŭzvažana dać adpaviednuju acenku. Zrazumieła, dla taho, kab pryjechać u Biełaruś, lubomu hramadzianinu patrabujecca viza. Tamu my chacieli b mieć poŭnuju jasnaść, u jakim statusie spadarynia pryznačany pasoł maje namier pracavać u Biełarusi,
kali jana źbirajecca pryjechać i rabić zajavy ab nielehitymnaści režymu, to jaki sens tady rabić heta.
Ja dumaju, što ŭ takim vypadku jana budzie siadzieć u pasolstvie i ničoha nie rabić i nie zmoža efiektyŭna pracavać, u tym liku i pa ŭstalavańni pramych kantaktaŭ pamiž strukturami Biełarusi i ZŠA, — skazaŭ ministr.
***
16 krasavika ŭ intervju Nacyjanalnamu hramadskamu radyjo ZŠA, adkazvajučy na pytańnie, kali jana lacić u Miensk, Džuli Fišer zajaviła, što ŭ jaje niama vizy.
— Z Novaha hoda ja spadziavałasia prybyć u Minsk. Ja była zaćvierdžana na pasadu Sienatam ZŠA ŭ kancy śniežnia. Ale da hetaha času nie ŭdałosia pryjechać u Minsk. ZŠA sa svajho boku hatovyja. Ja była hatovaja, i my čakajem ad biełaruskaha boku adpaviednych dziejańniaŭ, — skazała Fišer.
19 krasavika Džuli Fišer na sustrečy sa Śviatłanaj Cichanoŭskaj u Vilni zajaviła, što ZŠA adnaŭlajuć sankcyi suprać «Biełnaftachima» i jašče 8 biełaruskich dziaržpradpryjemstvaŭ.
