Dyrektar TAA «Vydaviecki dom «Inteks-pres», hałoŭny redaktar haziety Intex-press Uładzimir Janukievič atrymaŭ papiaredžańnie Baranavickaj mižrajonnaj prakuratury za intervju z eks-kandydatam u prezidenty Śviatłanaj Cichanoŭskaj, paviedamlaje BAŽ.
Intervju sa Śviatłanaj Cichanoŭskaj vyjšła ŭ numary Intex-press ad 14 krasavika. U toj ža dzień Uładzimiru Janukieviču patelefanavali z Baranavickaj mižrajonnaj prakuratury i zaprasili na sustreču ranicaj 15 krasavika. Na sustrečy Baranavicki mižrajonny prakuror Alaksandr Karluk začytaŭ Uładzimiru Janukieviču vyniesienaje jamu papiaredžańnie.
Tam było skazana, što ŭ chodzie manitorynhu ŚMI ŭstanoŭlena, što ŭ numary Intex-press ad 14 krasavika było apublikavana intervju sa Śviatłanaj Cichanoŭskaj, jakaja chavajecca ad orhanaŭ kryminalnaha pieraśledu, u dačynieńni da jakoj uzbudžany šerah spraŭ za ździajśnieńnie dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś, jakaja vystupaje ŭ tym liku ad imia Kaardynacyjnaj rady, «što źjaŭlajecca ekstremisckim farmiravańniem».
Taksama ŭ papiaredžańni było paznačana na patrabavańnie zakona Respubliki Biełaruś «Ab srodkach masavaj infarmacyi» ab niedapuščalnaści raspaŭsiudžvańnia ŭ srodkach masavaj infarmacyi i na internet-resursach infarmacyi, nakiravanaj na prapahandu vajny, ekstremisckaj dziejnaści abo toj, jakaja źmiaščaje zakliki da takoj dziejnaści, hvałtu i žorstkaści, inšaj infarmacyi, raspaŭsiudžvańnie jakoj zdolna nanieści škodu nacyjanalnym intaresam Respubliki Biełaruś abo zabaroniena zakanadaŭstvam krainy.
«Na žal, mnie nie było rastłumačana, jakija mienavita słovy ŭ intervju parušyli, na dumku Baranavickaj mižrajonnaj prakuratury, dziejučaje zakanadaŭstva. My rasceńvajem hetaje papiaredžańnie jak cisk na svabodu słova i budziem abskardžvać u prakuratury Bresckaj vobłaści», — skazaŭ słužbie manitorynhu HA «BAŽ» Uładzimir Janukievič.
