Fota Depositphotos.com
Novaja Ziełandyja abviaściła pra šerah prapanoŭ, skiravanych na zabaronu kureńnia nastupnamu pakaleńniu. Kraina imkniecca stać svabodnaj ad kureńnia da 2025 hoda, paviedamlaje The Guardian.
U płany ŭvachodzić pastupovaje pavyšeńnie ŭzrostu, ź jakoha možna nabyvać cyharety, a taksama zabarona prodažu vyrabaŭ z tytuniu ŭsim, chto naradziŭsia paśla 2004 hoda, što faktyčna zrobić kureńnie niezakonnym dla hetaha pakaleńnia.
Taksama razhladajecca značnaje źnižeńnie ŭzroŭniu nikatynu ŭ cyharetach, abmiežavańnie miescaŭ, dzie možna pradavać tytuń, pavyšeńnie minimalnych cen na cyharety i zabarona niebijaraskładalnych filtraŭ.
Tytuń štohod zabivaje kala 4,5 tysiač žycharoŭ Novaj Ziełandyi. Tamu prapanovy ŭrada byli ŭchvalenyja mnohimi arhanizacyjami achovy zdaroŭja.
Adnak u toj ža čas inicyjatyvu azdaraŭleńnia nacyi padtrymali nie ŭsie. Niekatoryja turbujucca, što takija miery buduć mieć niepradbačanyja nastupstvy dla mnohich uładalnikaŭ biznesu, a taksama jość vialikaja vierahodnaść pašyreńnia «čornaha» rynku cyharet.
Da taho ž, pravaja partyja ACT zajaviła, što źnižeńnie ŭzroŭniu nikatynu ŭ cyharetach moža pryvieści da taho, što ludzi buduć kuryć jašče bolš, kab atrymać nieabchodnuju dozu. A heta značyć, što ludziam pryjdziecca vydatkoŭvać jašče bolš hrošaj na cyharety.
