Raniej Minzdaroŭja paviedamiła, što śpiecyjalisty ŭ rehijonach i Minsku kanstatujuć rost zachvorvańnia na kavid, u tym liku na pnieŭmanii karanavirusnaj etyjałohii ciažkaha praciakańnia. Častata vyjaŭleńnia RNK virusa SARS-CoV-2 (PŁR) u doślednych uzorach za 14 tydniaŭ 2021 hoda skłała 11,9%, paviedamlaje Minzdaroŭja ŭ svaim telehram-kanale.
Va ŭsich rehijonach krainy ŭzmocniać kantrol za vykanańniem supraćepidemijałahičnych mierapryjemstvaŭ.
Ihnaravać rekamiendacyi daktaroŭ pa zachavańni masačnaha režymu i fizičnaha dystancyjavańnia — nie varta, padkreślivajuć u viedamstvie.
Pa stanie na 12 krasavika kolkaść pryščeplenych adnoj dozaj vakcyny skłała — 129 899 čałaviek, dvuma dozami — 41 688 čałaviek.
Minzdaroŭja taksama nahadvaje, što kali vy adčuli značnaje paharšeńnie svajho fizičnaha stanu, u tym liku pavyšeńnie tempieratury, kašal, hałaŭny bol, nie adčuvajecie smak ci pach, to varta źviarnucca ŭ palikliniku abo vyklikać bryhadu chutkaj dapamohi.
Pavodle źviestak Minzdaroŭja, kolkaść zarehistravanych vypadkaŭ karanavirusa za dzień z pačatku krasavika składała:
1 krasavika — 1236
2 krasavika — 1651
3 krasavika — 1371
4 krasavika — 1239
5 krasavika — 986
6 krasavika — 968
7 krasavika — 1278
8 krasavika — 1272
9 krasavika — 1622
10 krasavika — 1471
11 krasavika — 1175
12 krasavika — 843.
U sakaviku maksimalny pakazčyk byŭ 5 sakavika — 1482, z pačatku hoda — 13 studzienia (1972).
