fota pixabay.com
U roznych kropkach Vialikabrytanii naradžajucca hramadskija kampanii, meta jakich — stvareńnie bolš biaśpiečnaj haradskoj prastory. Naprykład, aktyvisty z Šefiłda žadajuć palepšyć aśviatleńnie ŭ haradskich parkach. A ŭ Hastynhsie miascovyja žychary ŭ dadatak da aśviatleńnia prosiać ustalavać u miascovym parku videanazirańnie i zrabić biaśpiečnym šlach praz park.
Sapraŭdy, dobryja ŭrbanistyčnyja rašeńni mohuć zrabić horad bolš biaśpiečnym dla žančyn, ale hetyja ž miery zrobiać žyćcio lahčejšym i dla astatnich katehoryj žycharoŭ. Daśledavańni pakazvajuć, što biznes i ekałohija ŭ takich haradach raźvivajucca lepiej. Pry hetym razmova idzie nie pra hłabalnyja źmieny: važna, kab vulicy byli zručnyja dla špacyraŭ, hramadskija prastory byli bolš adkrytyja, a chodniki — aśvietlenyja, piša VVS.
Kałpana Višvanatch, urbanistka i suzasnavalnica sacyjalnaha pradpryjemstva Safetipin, ličyć prahladanaść navakolnaha asiarodździa asnoŭnym faktaram, što daje žančynam adčuvańnie biaśpieki. Kali čałaviek idzie pa vulicy, jaho supakojvaje prysutnaść vuličnych handlaroŭ, miascovych žycharoŭ i zvyčajnych minakoŭ. Tamu vysokija aharodžy źnižajuć dla žančyn uzrovień biaśpieki, bo jany nie dajuć mahčymaści inšym ludziam dapamahčy im u nadzvyčajnaj situacyi.
Ale varta zmahacca nie tolki z apuściełymi prastorami, ale i z tymi, dzie zanadta šmat ludziej. Zvyčajna žančyny adčuvajuć siabie najbolš kamfortna ŭ miescach, dzie jość pradstaŭniki roznych pakaleńniaŭ i abodvuch pałoŭ — jak žančyny, tak i mužčyny.
Miery, pra jakija idzie havorka, nie abaviazkova pavinny šmat kaštavać haradskomu biudžetu. Naprykład, vuličnyja lichtary na bazie śviatładyjodaŭ dapamohuć aščadzić elektryčnaść i pry hetym zrobiać darohi bolš biaśpiečnymi dla kiroŭcaŭ i piešachodaŭ. Kali chodniki roŭnyja i bieź jamin, mamam lahčej vieźci dzicia ŭ vazku, a pandus dazvolić invalidam taksama karystacca haradskoj prastoraj. Dastupnaść hramadskich prybiralniaŭ — jašče adna prablema, nad jakoj varta zadumacca.
Hetyja prostyja rašeńni spracujuć lepiej, kali płaniroŭščyki haradoŭ buduć źviartać bolš uvahi na kantekst, u jakim jany pracujuć, i uvažliva vybirać, jakoj katehoryi miascovych žycharoŭ jany buduć nadavać bolš uvahi. Da taho ž, važna prysłuchoŭvacca da patreb hetych ludziej i ŭličvać ich pry płanavańni.
