DAI
Inśpiektary adździeła DAI Leninskaha RUUS Minska zaŭvažyli aŭtamabil «Rovier», jazda vyłučałasia z patoku astatnich transpartnych srodkaŭ. Na patrabavańnie prypynicca kiroŭca nijak nie adreahavaŭ.
DAI pryniała rašeńnie ab pieraśledzie, padčas jakoha da pahoni dałučylisia ekipažy Kastryčnickaha i Minskaha rajonaŭ.
Vyjechaŭšy z horada na trasu R23, parušalnik praciahnuŭ ruch, na patrabavańni nie reahavaŭ. U pasiołku Słabada paśla dvuch papieradžalnych strełaŭ kiroŭcu zatrymali.
Im akazaŭsia 33-hadovy minčanin, jaki nikoli nie atrymlivaŭ paśviedčańnie kiroŭcy. Jon nieadnarazova pryciahvaŭsia da administracyjnaj adkaznaści pa linii DAI, pryčym u 2010 i ŭ 2015 byŭ asudžany pa art. 317-1 KK (Kiravańnie transpartnym srodkam asobaj, jakaja znachodzicca ŭ stanie ałkaholnaha apjanieńnia, ździejśnienaje na praciahu hoda paśla nakładańnia administracyjnaha spahnańnia za takija ž parušeńni).
Mužčynu dastavili na ahlad, pa vynikam jakoha vyjaŭlena 0,72 pramile ałkaholu ŭ jaho arhaniźmie.
Akramia taho, u chodzie razboru ŭstanoŭlena, što «Rovier» minčuk skraŭ. Napiaredadni mašynu jamu pryhnali na ramont.