BiełTA
«U metach sacyjalnaj i histaryčnaj spraviadlivaści, likvidacyi «biełych» plam historyi, umacavańnia kanstytucyjnaha ładu i nacyjanalnaj biaśpieki mnoju zaviedziena kryminalnaja sprava pa fakcie hienacydu nasielnictva Biełarusi», — adznačyŭ Andrej Švied.
Pavodle jaho słoŭ, źviestki z kryminalnaj spravy dazvolać pastavić pierad mižnarodnymi arhanizacyjami pytańnie ab pryznańni Biełarusi paciarpiełaj ad hienacydu, spynić sproby abiascenić histaryčnyja fakty.
«Vyniki rasśledavańnia buduć pakładzieny ŭ asnovu ideałahičnaj vučebna-vychavaŭčaj i infarmacyjnaj pracy. Dla taho kab praz razumieńnie historyi źbierahčy pierajemnaść pamiž pakaleńniami i pamiać naroda, vyvučeńnie hienacydu biełaruskaha naroda varta ŭpisać va ŭsie abaviazkovyja adukacyjnyja prahramy», — padkreśliŭ hienprakuror.
Švied adznačyŭ, što ŭ dačynieńni da biełaruskaj dziaržavy da ciapierašniaha času pravodzicca ahresiŭnaja palityka z boku šerahu jeŭrapiejskich dziaržaŭ. Pavodle jaho słoŭ, zaviadzieńnie kryminalnaj spravy pa fakcie hienacydu — novy etap u baraćbie z reabilitacyjaj nacyzmu.
Taksama Švied dadaŭ, što Hienprakuratura źvierniecca ŭ Niurnbierh pry rasśledavańni spravy ab hienacydzie.
«Sutnaść hetaha rasśledavańnia i pradmiet, viadoma, u pieršuju čarhu maje na ŭvazie nieabchodnaść zvarotu ŭ kampietentnyja orhany šerahu dziaržaŭ z prośbaj ab akazańni pravavoj dapamohi. Abjektyŭna my raźličvajem na apieratyŭnuju dapamohu viedamstvaŭ i archivaŭ Rasii, dzie, pa našych źviestkach, sabrana i majecca dosyć šmat dakumientaŭ ab hienacydzie biełarusaŭ i inšych asob, jakija pražyvali na terytoryi BSSR u pieryjad Vialikaj Ajčynnaj vajny. Viadoma, my źvierniemsia pa dapamohu da viedamstvaŭ i ŭstanoŭ FRH, jakija ŭ svoj čas zajmalisia rasśledavańniem faktaŭ hienacydu na terytoryi BSSR», — skazaŭ hienprakuror.
Andrej Švied taksama zajaviŭ, što Biełaruś budzie dabivacca vydačy vajennych złačyncaŭ.
«Asobny kirunak — heta, viadoma, składańnie śpisaŭ usich pamierłych i žyvych złačyncaŭ. U dačynieńni da apošnich my budziem źbirać materyjały z prośbaj ab praviadzieńni pracesualnych dziejańniaŭ u dačynieńni da hetych asob na terytoryi tych dziaržaŭ, dzie jany pražyvajuć, i stavić pytańnie ab ich vydačy dla adkrytaha suda na terytoryi Biełarusi. Albo rychtavać materyjały dla pryciahnieńnia hetych asob u mižnarodnych instancyjach, trybunałach, jakija rasśledavali, razhladali raniej kryminalnyja spravy ŭ dačynieńni da vajennych złačyncaŭ», — adznačyŭ hienprakuror
