Pakatacca pa Biełarusi
Karanavirus zadaŭ trend na ŭnutrany turyzm. Tak što kali minułym letam vy abjeździli nie ŭsio, samy čas zakončyć pačataje.
Možna arhanizavać tur pa samych viadomych i vieličnych zamkach i pałacach. Ubačyć na ŭłasnyja vočy nievierahodny pałac Pusłoŭskich u Kosavie, a paśla zazirnuć u muziej-siadzibu Tadevuša Kaściuški — adnaho z samych prasłaŭlenych u śviecie ziemlakoŭ. Źjeździć u Lidu, Mir i Niaśviž, dzie choć raz u žyćci pavinien pabyvać kožny biełarus. Adčuć duch Navahrudka i Kreva.
A moža, vy jašče nikoli nie katalisia na ciepłachodzie pa Sožy ŭ Homieli? Nie karmili vaviorak u miascovym parku, jakich prytuliŭ pałac Rumiancavych i Paskievičaŭ? Ci nie hulali pa atmaśfiernaj vybrukavanaj piešachodnaj Savieckaj vulicy ŭ Hrodnie? Jašče ni razu nie byli na radzimie šykoŭnaha Šahała ŭ Viciebsku? Nie padymalisia da Safijskaha sabora ŭ Połacku? Napierad!
A kali vam padabajecca prosta lubavacca pryrodaj, to ŭspomnicie, u jakich bataničnych sadach, puščach i zakaźnikach vy da hetaha času nie pabyvali i na jakich aziorach jašče nie adpačyvali. Biarycie siabroŭ i blizkich — i ŭ pachod.
Źjeździć za miažu i padciahnuć movu
Chočacca vieryć, što ŭžo hetaje leta paraduje nas mahčymaściu vyjechać za miažu. Padarožža — nie tolki sposab pieraklučycca, raźviejacca, ale i zaŭsiody jarki kulturny ekśpiryjens. Uražańni, da jakich my viartajemsia i jakimi zaradžajemsia na ŭvieś nastupny hod i jakich nam tak nie chapiła ŭ 2020-m.
Akramia taho, heta šaniec padciahnuć abo navat vyvučyć movu. Jość śpiecyjalnyja letnija moŭnyja škoły, jak, naprykład, GoStudy. Škoła prapanuje vydatnuju prahramu «Kanikuły ŭ Prazie» dla dziaciej 13—18 hadoŭ — ekskursii, zabavy plus intensiŭnyja kursy češskaj abo anhlijskaj movy.
U vieraśni možna budzie blisnuć viedami pierad adnakłaśnikami abo adnakurśnikami. Paśla navučańnia zastanucca i novyja siabry pa ŭsim śviecie, i ŭspaminy na ŭsio žyćcio. Daviedacca ŭsio pra hetu prahramu vy možacie tut. Darečy, paśla zakančeńnia navučańnia ŭ GoStudy ŭdzielniki prahramy atrymlivajuć siertyfikaty — u žyćci moža spatrebicca.
Nieabaviazkova jechać u Łondan ci ZŠA, kab padciahnuć anhielskuju. Heta nie prosta arhanizavać i łahistyčna, i finansava. Vyvučeńnie anhlijskaj u Čechii letam sapraŭdy moža stać vydatnaj alternatyvaj. Da taho ž školnyja kanikuły ŭ Čechii — heta prosta mahčymaść abyści ŭzdoŭž i papiarok kazačnuju Prahu. Horad z tysiačahadovaj historyjaj, prasiaknuty ducham daŭniny i vieličy, dakładna nie pakinie nikoha abyjakavym.
Navučycca kruta zdymać videa i padarvać YouTube, nu ci TikTok
Pakolki trend na videa pastajanna raście, jość vierahodnaść, što navyk dakładna kali-niebudź dzie-niebudź dy spatrebicca. Zdymać zaraz prosta: padydzie luby telefon, u jakim pracuje kamiera. Sacsietki pryzvyčaili nas da taho, što jakaść karcinki — naohuł nie hałoŭnaje. Tak što letnija miesiacy — mahčymaść padumać i papracavać nad źmiestam, a kursy videa dapamohuć zrabić pieršyja kroki, razabracca ŭ tonkaściach zdymki, mantažu i prasoŭvańnia.
Pahladzieć filmy i pračytać knihi, na jakija zaŭsiody nie chapaje času
Filmy, zasnavanyja na realnych padziejach, jakija raspaviadajuć nam pra historyju, pra śviet, pra čałaviečyja losy — dobry sposab cikava i z karyściu pravieści čas. Źviarnicie ŭvahu na stužki, źniatyja daŭnym-daŭno — mnohija ź ich vydatna hladziacca i ciapier. Raim «Łoŭrensa Aravijskaha» režysiora Devida Lina, «Hałavakružeńnie» lehiendarnaha Chičkoka, «Roka i jaho braty» Łukina Viskonci nu ci pierahladzieć «Zornyja vojny».
Mahčyma, vy prapuścili oskaraŭskija filmy. Ci daŭno chacieli dazvolić sabie pahladzieć čarhovy sieryjał-biestsieler ad Netflix — čamu nie?
Vydatnym rašeńniem budzie pravieści čas u parku abo na dačy za čytańniem suśvietnaj kłasiki abo biełaruskich aŭtaraŭ. Pasprabavać što-niebudź histaryčnaje abo navukova-papularnaje.
Alternatyva kłasičnamu čytańniu — aŭdyjaknihi, kursy i padkasty. Možna prosta hulać pa lubimych miescach i słuchać.
Navučycca hatavać
Asvoić recepty paskładaniej, zładzić dni italjanskaj, francuzskaj, mieksikanskaj, tajskaj, biełaruskaj i jakoj zaŭhodna jašče kuchni. Paelja ź ispanskaha restarana abo šykoŭny ŭźbiekski płoŭ moža stać centram i vašaha stała. Narešcie adkazna padyści da hatavańnia, navučycca pravilna i chutka čyścić, rezać, zamiešvać. Zrabicie sa śniadanku, abiedu abo viačery cełuju ŭračystuju cyrymoniju, paciešcie siabie i blizkich.
Vyraścić na aknie aharod
Nieabaviazkova mieć daču, kab radavać siabie śviežaj zielaninaj. Dosyć šyrokaha padakońnika i vašaha žadańnia, kab bazilik, miata abo piatruška ŭpryhožyli vaša akno.
Nu ci možna stvaryć mini-sad. Ružy, stakrotki, piełarhonija i strelicyja — što zaŭhodna. Hałoŭnaje — zahadzia pačytajcie, jak ich dahladać, kab sad vas radavaŭ daŭžej.
Darečy, vydatny varyjant stvaryć pryhažość na aknie — kampazicyi z sukulentaŭ. Jość navat śpiecyjalnyja majstar-kłasy ŭ Minsku, dzie na starcie daduć usie składniki, a vam zastaniecca prosta tvaryć.
Zaniacca sportam
Prabiežki ŭ parku, pakatuški na rovary, joha na śviežym pavietry, zasvajeńnie varkaŭt-placovak. Kłasičnyja, sučasnyja, uschodnija tancy. Skiejtbord, monakoła abo samakat. Prosta znajdzicie toje, što vam bližej, — i sprabujcie.
A možna prosta biaskonca hulać, adkryvajučy novyja miescy, muziei, kafe. Abo ładzić tematyčnyja pikniki ź siabrami.
Tolki vy viedajecie, što budzie karysna dla vas: navučycca novamu (pačać malavać, madelavać, rabić manikiur, prahramavać), raźviejacca, adlažacca na kanapie ci adpravicca ŭ padarožža. Hałoŭnaje, kab heta rabiła vas ščaślivymi.
U materyjale vykarystanyja fota Depositphotos.com.
