Skrynšot videa
Pieršapačatkova Nataša Karalova płanavała ŭdzielničać u fiestyvali. Pra heta 30 sakavika sa spasyłkaj na aficyjny sajt forumu pisała «Rośsijskaja hazieta». U pamiaci Google taksama zachavałasia infarmacyja ab tym, što Karalova była zajaŭlena jak udzielnica kancerta «Załaty chit», jaki adbudziecca 17 lipienia.
Ale pa stanie na siońnia, 6 krasavika, imia śpiavački nie zhadvajecca ŭ śpisie ŭdzielnikaŭ hetaha kancerta na sajcie fiestyvalu.
Raniej karystalniki ź Biełarusi stali aktyŭna kamientavać sacyjalnyja sietki Natašy Karalovaj. Jany prasili jaje nie pryjazdžać na fiestyval u hety momant.
— Padtrymajcie mirnych biełarusaŭ, jakija kožny dzień zmahajucca za svaju svabodu i žyćcio!!! Dziakuj, čakajem vas u svabodnaj Biełarusi, — napisała adna ź ich.
U adkaz administratar hrupy pakinuła nastupnaje paviedamleńnie: «Nataša Karalova nie płanavała vystup na hetym fiestyvali. Usia aficyjnaja infarmacyja pa kancertach śpiavački dastupnaja na jaje sajcie».
Viadoma, što ad udziełu ŭ fiestyvali admovilisia hurt «Ronda» ź jaho frantmienam Alaksandram Ivanovym, Michaił Hałuścian, ukrainskaja śpiavačka Maruv, biełaruski śpiavak Anton Tabała (Homie).
Ab svaim niaŭdziele ŭ fiestyvali paviedamiŭ ukrainski šoŭmien Cimur Mirašničenka, jaki bolš za 10 hadoŭ byŭ viadoŭcam hetaha mierapryjemstva ad Ukrainy. Zatym na fiestyval admoviŭsia jechać užo druhi viadoŭca ad Ukrainy — Andrej Damanski.
