Ab vyjaŭleńni indyjskaha štama stała viadoma ŭ kancy sakavika. Reuters sa spasyłkaj na Ministerstva achovy zdaroŭja Indyi paviedamlała, što novy štam maje padvojnuju mutacyju. Pakul va ŭładaŭ niedastatkova infarmacyi dla taho, kab vyjavić prostuju suviaź pamiž źjaŭleńniem mutacyj i chutkim rostam vypadkaŭ zachvorvańnia ŭ niekatorych indyjskich štatach, pisała ahienctva.
Raniej epidemijołah, siabra Kansultatyŭnaha kamiteta prezidenta ZŠA Džo Bajdena pa karanavirusie Majkł Ostercholm zajaviŭ, što ŭ ZŠA nazirajecca ŭžo čaćviortaja chvala pandemii karanavirusnaj infiekcyi. Takuju tendencyju jon patłumačyŭ tym, što ŭ apošnija miesiacy ŭ krainie źjaviłasia niekalki novych raznavidnaściaŭ karanavirusa, jakija ŭjaŭlajuć surjoznuju pahrozu.
Z pačatku pandemii ŭ ZŠA karanavirusam zarazilisia bolš jak 30,7 młn čałaviek, vynikaje z danych Univiersiteta Džonsa Chopkinsa. Z hetym pakaźnikam kraina zajmaje pieršaje miesca ŭ śviecie pa kolkaści chvorych. Pamierli ad infiekcyi ŭ ZŠA bolš jak 555 tys. čałaviek.
