«Ahulnaja hatoŭnaść druhoha enierhabłoka aceńvajecca ŭ 80%, u hetym hodzie była zabiaśpiečana zborka reaktara, zahruzka ŭ jaho imitataraŭ ciepłavydzialalnych zborak. U bližejšy čas płanujecca pierachod da nastupnaha padetapu, tak zvanaj chałodna-haračaj abkatki reaktarnaj ustanoŭki, — skazaŭ jon u efiry «Biełaruś-1». — Na praciahu 2021 hoda płanujecca taksama pastaŭka śviežaha jadziernaha paliva na druhi enierhabłok, zahruzka jaho ŭ aktyŭnuju zonu reaktara i pačatak praviadzieńnia fizičnaha pusku». Ministr dadaŭ, što «ŭsiaho ŭ ramkach dadzienaha etapu na druhim enierhabłoku budzie praviedziena 135 vyprabavańniaŭ».
Jak nahadaŭ Karankievič, dziakujučy budaŭnictvu AES płanujecca pavysić enierhietyčnuju biaśpieku krainy i źnizić zaležnaść ad vuhlevadarodnaha paliva. Pry hetym jon adznačyŭ, što zapusk atamnaj stancyi dazvolić zamiaščać kala 4,5 młrd kub.m pryrodnaha hazu ŭ hod. Ministr zaŭvažyŭ, što abjom spažyvańnia elektryčnaj enierhii ŭ cełym pa krainie da 2025 hoda pavialičycca da 44 młrd kVt*h, u 2020 hodzie hety pakazčyk skłaŭ 38 młrd kVt*h.
Budaŭnictva AES u Biełarusi idzie pa typavym rasijskim prajekcie novaha pakaleńnia «try plus» AES-2006, piša TASS. BiełAES budzie składacca z dvuch enierhabłokaŭ mahutnaściu 1200 MVt kožny. Hienpadradčykam vystupaje «Atambudekspart» (uvachodzić u Rasatam). U listapadzie 2020 hoda pieršy enierhabłok BiełAES byŭ padłučany da abjadnanaj enierhasistemy krainy. Raniej paviedamlałasia, što ŭvod pieršaha błoka BiełAES u pramysłovuju ekspłuatacyju płanujecca ŭ pieršym kvartale 2021 hoda, druhoha — u 2022 hodzie.
