Tak 30 sakavika nieviadomy patelefanavaŭ praz Viber 66-hadovaj žycharcy Barysava i pradstaviŭsia supracoŭnikam słužby biaśpieki banka. Jon paviedamiŭ, što ŭ metach spynieńnia kradziažu z bankaŭskaj kartki žančynie nieabchodna ŭstalavać peŭny dadatak addalenaha dostupu, paviedamić kody karty i dasłać skrynšoty z mabilnaha bankinhu, što jana i zrabiła.
Paźniej, zapadozryŭšy niadobraje, piensijanierka nakiravałasia ŭ bank i pry praviercy vyjaviła, što ź jaje kart-rachunku prapała amal 40 000 rubloŭ.
Jašče adzin padobny vypadak adbyŭsia dniom raniej u Miadzielskim rajonie. 40-hadovaja hramadzianka Kazachstana adpačyvała ŭ biełaruskim sanatoryi, joj pa Viber patelefanavaŭ nieviadomy mužčyna. U chodzie telefonnaj razmovy jon taksama skazaŭ, što nieabchodna ŭstalavać dadatak addalenaha dostupu. Paśla hetaha z kart-rachunku paciarpiełaj pry anałahičnych abstavinach było vykradziena 38 000 rubloŭ.
