Čutki pra ich adjezd źjavilisia ŭžo daŭno, ale ni mieniedžar hurta, ni sami artysty nie paćviardžali «Našaj Nivie» hetuju infarmacyju z farmuloŭkaj: «Paźniej damo aficyjnuju zajavu».
Siońnia ŭ sacyjalnych sietkach hrupy źjaviłasia nastupnaje paviedamleńnie:
«RSP za apošni miesiac try razy admovili ŭ atrymańni hastrolki. My ŭsie vielmi fanatyčna stavimsia da prajekta, u nas chutka novy albom i šmat roznych idej. Tamu časova vyrašyli pierajechać u Kijeŭ. Pakul što pałova kalektyvu, čakajem druhuju. Nie viedajem, što z hetaha atrymajecca i što budzie zaŭtra, ale my ŭ kožnym vypadku pasprabujem».
Artysty ź mieniedžierkaj Nastaśsiaj Dol
Nahadajem, u lutym uvieś skład hurta razam ź mieniedžaram zatrymali na kancercie ŭ Smalavičach. Jany paśpieli vykanać usiaho adnu pieśniu. Muzykam prysudzili pa 15 sutak, mieniedžarcy — štraf pamieram 30 bazavych.
