«Kahości šakavaŭ, kahości naśmiašyŭ učorašni kamientar MZS na adras ZŠA. Starejšy syn Uładzimira Makieja lepš za ŭsio acaniŭ źmiest tekstu «znaročysta chamavataje ŭdalstva nikoli nie zamienić arhumientacyju i styl, a tolki padkreślić pasrednaść».
Ale tut jość uzrovień i hłybiejšy, čym pačućcio humaru z adcieńniami efiektu Daninha-Kruhiera. Sprava jašče i ŭ tym, što ŭ siońniašniaj atmaśfiery ŭnutry dziaržaparatu ŭsie viedamstvy pavinny bieź pieradyški pakazvać svoj pijanierski zapał. Tarmazoŭ niama, nichto nie advažycca znutry skazać, što kalehaŭ zanosić na pavarotach — heta pramy šlach da straty davieru.
Navat bolš: pravioŭ tydzień-dva, nie pakazaŭšy svaju samaaddanuju hatoŭnaść mačyć vorahaŭ — stanovišsia padazronym. Upeŭnieny, što dobruju pałovu niedarečnych kryminalnych spraŭ, aryštaŭ za niapravilnyja škarpetki i inšych vojnaŭ z antysavieckim padpollem na karcinach u Hrodnie možna śmieła śpisvać na heta sacspabornictva.
Makiej-starejšy ŭžo siońnia zajaviŭ, što adrasaty hetaj zajavy nie tolki za akijanam, ale i bližej. Absalutna zhodny. Usie adrasaty, abo navat adrasat, unutry krainy.
MZS Biełarusi prapanuje ZŠA padzialić Alasku i nazyvaje amierykanskimi hierojami Asandža i Snoŭdena
«Sumna, što maje byłyja kalehi vymušany mirycca ź situacyjaj»: syn Makieja raskrytykavaŭ skandalnuju zajavu
