Pahladzieć jaho možna budzie na jutub-kanale kupałaŭcaŭ.
Try častki śpiektakla pakažuć 27 sakavika, 28 sakavika i 29 sakavika, kožny viečar u 21:00. Usie častki buduć dastupnyja dla prahladu da 31 sakavika.
U tryccatyja hady Brecht byŭ pazbaŭleny niamieckaha hramadzianstva i vymušany byŭ emihravać. Ale va ŭsie krainy, dzie paśla žyŭ piśmieńnik, upeŭnienymi krokami pastupova prychodziŭ strach — dabiraŭsia nacyzm.
«Pjesa «Strach i haleča Treciaha rejcha» raskazvaje zusim nie pra ŭźniknieńnie nacyzmu. Hetaje padrabiaznaje apisańnie miechanizmaŭ naładžanaj sistemy Brecht pisaŭ na padstavie śviedčańniaŭ vidavočcaŭ i hazietnych zaciemak. Pierapoŭnienyja turmy, roskvit prapahandy, ludzi, što nie majuć prava na svajo mierkavańnie, paŭsiudnaja haleča i ŭsieahulny lipučy strach. Ale čym strašniejšaja chłuśnia, tym mienšy jaje plon. Tym chutčej jana zžare samu siabie», — kažuć kupałaŭcy.
