Pra heta havorycca ŭ jaho zajavie, paviedamlaje Tut.by.
Na dumku Barela, ES staŭ śviedkam dalejšaj eskałacyi represij suprać biełaruskaha naroda, uklučajučy arhanizavanyja kampanii pieraśledu pravaabaroncaŭ, žurnalistaŭ i hramadzianskaj supolnaści ŭ Biełarusi.
— Apošnija padziei pakazali, što metaj hetaj palityki staŭ i Sajuz palakaŭ Biełarusi.
Jon nahadaŭ pra zatrymańnie Anžaliki Borys i Andreja Pačobuta i ab tym, što im pahražaje doŭhaje turemnaje źniavoleńnie.
— Jeŭrapiejski Sajuz čakaje, što Biełaruś budzie vykonvać svaje mižnarodnyja abaviazacielstvy pa pavazie pravoŭ čałavieka i asnoŭnych svabod. My zaklikajem Biełaruś nieadkładna i biezumoŭna vyzvalić Anžaliku Borys i Andreja Pačobuta, a taksama ŭsich palityčnych źniavolenych, jakija znachodziacca ŭ ciapierašni čas pad vartaj, — havorycca ŭ zajavie.
U zajavie taksama adznačana, što ES pa-raniejšamu pierakanany ŭ tym, što nacyjanalny ŭsiebakovy dyjałoh maje vyrašalnaje značeńnie dla ŭrehulavańnia situacyi ŭ Biełarusi. Kiraŭnik dypłamatyi ES zaklikaŭ biełaruskija ŭłady vykarystoŭvać lubuju prapanavanuju mahčymaść, u tym liku sadziejničańnie z boku ABSIE.
Čytajcie taksama: Hienprakuratura zaviała kryminalnuju spravu na hrupu biełaruskich palakaŭ za «raspalvańnie varožaści i apraŭdańnie hienacydu»
