Novy čas
Dzianisa zatrymali ŭviečary 12 sakavika. Pieratrus u jaho kvatery išoŭ bolš za try hadziny, jaho ładzili piaciora supracoŭnikaŭ KDB. Paśla hetaha prajšoŭ pieratrus u baćkoŭ, u babuli.
Siłaviki zabrali ŭsie nośbity infarmacyi (telefony, noŭtbuki, kampjutary), sim-karty, bankaŭskija kartki, knihi, natatniki dy inš.
Sprava ŭ tym, što Ivašyn znajšoŭ u adkrytym dostupie śpis amapaŭcaŭ, jakija stajać u čarzie na lhotnyja kvatery. Žurnalist pravieryŭ ich proźviščy praz pošukaviki i vyśvietliŭ, što niekatoryja ź ich raniej słužyli va ŭkrainskim «Bierkucie» i razhaniali Majdan. Na padstavie hetaha Ivašyn napisaŭ publikacyju na sajcie «Novaha času», u vyniku — kryminalnaja sprava i pahroza troch hadoŭ źniavoleńnia.
Jamu vystaŭlena abvinavačańnie pa art.365 Kryminalnaha kodeksa (Umiašańnie ŭ dziejnaść supracoŭnika ŭnutranych spraŭ).
Čytajcie taksama: Chto taki Dzianis Ivašyn, jakoha aryštavali za «ŭmiašańnie ŭ dziejnaść MUS»?
