U rasijskaha apazicyjaniera Alaksieja Navalnaha, jaki adbyvaje termin u kałonii va Uładzimirskaj vobłaści, nazirajucca prablemy sa zdaroŭjem.
«U Alaksieja raźvivajecca chvaroba chrybietnika — u jaho mocna baleła śpina. U piatnicu (19 sakavika) jaho ahledzieŭ nieŭrołah. Ale jamu nie skazali ni dyjahnaz, ni jakoje nieabchodnaje lačeńnie», — paviedamiła advakatka apazicyjaniera.
Pavodle jaje słoŭ, u paniadziełak, 22 sakavika, Navalnamu prynieśli dźvie tabletki ibuprafienu, paviedamiŭšy, što ich jamu pryznačyŭ doktar. «Učora ŭ jaho była advakatka. Alaksiej skazaŭ, što ŭ jaho mocnyja boli ŭ chrybietniku i nazie, naha pačała adymacca. Heta moža być źviazana i z umovami transparciroŭki — hetaja prablema ŭ jaho pačałasia ŭ SIZA, i sa skavanaściu ruchaŭ, jon mała chodzić, mała ruchajecca. Moža być, heta źviazana z atručvańniem, my nie viedajem. Jašče heta vielmi tryvožna, tamu što nas siońnia da jaho nie puścili», — raspaviała advakatka.
