Bolšaść krain, jakija sutyknulisia z hetaj prablemaj, raźmieščany ŭ Afrycy (u pryvatnaści, Jemien, Paŭdniovy Sudan i paŭnočnyja rajony Nihieryi, dzie asobnyja žychary «ryzykujuć apynucca ci ŭžo apynulisia na miažy hałodnaj śmierci»), adnak vostry niedachop charčavańnia pahražaje bolšaści rehijonaŭ płaniety — ad Azii (Afhanistan) i Blizkaha Uschodu (Siryja, Livan) da Łacinskaj Amieryki i Karybskaha basiejna (Haici). Užo siońnia 34 młn čałaviek vymušanyja žyć va ŭmovach nadzvyčajnaha ŭzroŭniu vostraj adsutnaści charčovaj biaśpieki, heta značyć za krok ad absalutnaha hoładu, havorycca ŭ dakumiencie.
Prahnazavanaje na pieryjad ad sakavika da lipienia 2021 hoda narastańnie adsutnaści charčovaj biaśpieki ŭ «ahmieniach hoładu» abumoŭlena ŭździejańniem takich faktaraŭ, jak uzbrojenyja kanflikty, pandemija karanavirusa, nadvorje.
«Na našych vačach adbyvajecca katastrofa. Hoład — vynik kanfliktaŭ, klimatyčnych uzrušeńniaŭ i pandemii COVID-19 — hrukajecca ŭ dźviery miljonaŭ siemjaŭ», — skazaŭ dyrektar Suśvietnaj charčovaj prahramy Devid Biśli. Jon adznačyŭ, što dla realizacyi ekstrannych mier pa akazańni dapamohi nieabchodna finansavańnie ad donaraŭ u $5,5 młrd.
