Jaho vinavaciać u arhanizacyi masavych biesparadkaŭ i namiery vyrabić «kaktejl Mołatava». Pamočnica prakurora Alina Kaśjančyk zaprasiła dla jaho siem hadoŭ pazbaŭleńnia voli ŭzmocnienaha režymu, paviedamlajuć pravaabaroncy.
Siońnia Kubaraŭ vystupiŭ z apošnim słovam.
«Ja napisaŭ pramovu, ale brać jaje z saboj ja nie bačyŭ sensu. Tamu što navat za hetaj kletkaj liču siabie bolš svabodnym, čym mnohija ludzi, jakija siadziać tut u pahonach, u mundzirach i hetak dalej. Ja navat nie spadziajusia, što jany mianie zrazumiejuć. Mnie zastajecca tolki hanarycca tym, što ja zrabiŭ i tym, čaho nie zrabiŭ. Hanarycca tym, kim staŭ i kim nie staŭ nasupierak tamu, što mnie vystaŭlajuć. Dla mianie honar stajać u adnym šerahu z takimi ludźmi, jak Siarhiej Cichanoŭski, Śviatłana Cichanoŭskaja, Juryj Ułasaŭ, Anton Bialenski, Capkała… Ja nie ździajśniaŭ tych złačynstvaŭ, u jakich mianie abvinavačvajuć. Na hetym usio».
Prysud pa spravie Dźmitryja Kubarava budzie ahučany 24 sakavika.
11 žniŭnia Dźmitryj byŭ žorstka zatrymany i dastaŭleny ŭ SIZA KDB. U noč z 11 na 12 žniŭnia tam ža padpisaŭ jaŭku z pavinnaj. U jaho kvatery prajšoŭ pieratrus, paśla jakoha ŭ jaho kanfiskavali rupar, miedykamienty, vadu, techniku (telefon, noŭtbuk), kanistry z rastvaralnikam i skipinar, jakija vykarystoŭvalisia dla ramontu kvatery. Z taho momantu (7 miesiacaŭ) jon utrymlivajecca pad vartaj. Na sudzie Dźmitryj nie pryznaŭ svaju vinu i zajaviŭ pra katavańni paśla zatrymańnia.
