spring96.org
Im byli vystaŭlenyja abvinavačvańni pa artykule 342 KK (Arhanizacyja abo aktyŭny ŭdzieł u hrupavych dziejańniach, jakija hruba parušajuć hramadski paradak) i artykule 364 KK (Hvałt albo pahroza prymianieńnia hvałtu ŭ dačynieńni da supracoŭnika orhanaŭ unutranych spraŭ).
Spravu razhladaŭ sudździa Mikałaj Sierhiejevič, prakuror — Andrej Anoška.
10 žniŭnia viečaram u Žłobinie maładyja ludzi stali ŭ sčepku i razam ź inšymi nanieśli ŭdary pa ščytach supracoŭnikaŭ milicyi, a taksama kinuli kamiani ŭ ich bok.
Na sudzie vyśvietliłasia, što pryznalnyja pakazańni jany davali pad ciskam i zapałochvańniem. Andreja Šaŭčuka, naprykład, źbivali, prymušajučy dać na videa nieabchodnyja pakazańni.
Prakuror Anoška zaprasiŭ dla Šmihielskaha, Patrušava i Šaŭčuka pa try hady kałonii ahulnaha režymu.
U vyniku sudździa abviaściŭ kančatkovy prysud z ulikam pahłynańnia mienš strohaha pakarańnia bolš strohim: pa dva z pałovaj hady pazbaŭleńnia voli ŭ kałonii ahulnaha režymu.
Illa Patrušaŭ, jaki da abviaščeńnia prysudu byŭ na voli pad asabistaj parukaj, uziaty pad vartu ŭ zali suda.
HUBAZiK zatrymaŭ jašče dvaich udzielnikaŭ masavych biesparadkaŭ u Žłobinie. Jak miarkuje śledstva, miascovyja žychary (21 i 23 hadoŭ) datyčnyja da žnivieńskich masavych biesparadkaŭ u rajcentry: kidali kamiani ŭ milicyjantaŭ i słužbovy transpart. Taksama chłopcy — aktyŭnyja karystalniki destruktyŭnych telehram-kanałaŭ i hrup.
Raniej u Žłobinie za padziei 10 žniŭnia 2020 hoda byli asudžanyja Jaŭhien Kachanoŭski, Dźmitryj Hopta, Vital Procharaŭ, Alaksandr Kisialoŭ, Siarhiej Biekarevič, Andrej Rasułaŭ i jašče niekalki čałaviek.
