Alizée — Moi… Lolita
U 2000 hodzie Alizée ŭvarvałasia ŭ suśvietnyja čarty sa svaim debiutnym sinhłam, pradziusarkaj jakoha była inšaja francuzskaja zorka — Milen Farmer.
Dla novaha prajektu Farmer byŭ patrebny małady hołas. Tamu 15-hadovaja Alize Žakate, jakaja akurat pieramahła ŭ telešou pačynajučych talentaŭ, stała najlepšaj kandydaturaj.
Desireless — Voyage voyage
Lidarstva frankamoŭnych piesień u mižnarodnych čartach — źjava dosyć redkaja, ale śpiavačka Desireless zdoleła skaryć chit-parady dziasiatkaŭ krain i stać papularnaj u tym liku i ŭ SSSR.
Čałavieku bieź viedańnia francuzskaj było prosta śpiavać prypieŭ hetaj pieśni, bo treba było zapomnić tolki adno słova.
Joe Dassin — Et si tu n'existais pas
Kali aŭtary pisali čarhovy chit francuzskamu seks-simvału 1970-ch Džo Dasenu, mierkavali, što hałoŭnym radkom stanie: «Kali b nie było kachańnia». Ale paŭstała dylema: kali niama kachańnia, to niama ničoha. Jak tady być?
U vyniku pieśnia ŭvajšła ŭ historyju pad nazvaj «Kali b nie było ciabie» i skaryła miljony žanočych sercaŭ.
Zaz — Je veux
Śpiavačku Izabel Žefrua časta paraŭnoŭvajuć z Edyt Piaf. Sapraŭdy, u pačatku svajoj karjery Zaz (psieŭdanim Žefrua) vykonvała na kancertach pieśni vialikaj francuzskaj śpiavački, ale stała papularnaj dziakujučy svaim chitam. «Je veux» byŭ pieršym.
K-Maro — Femme Like U
Hety chit kanadskaha repiera K-Maro ŭvachodzić u dvaccatku samych papularnych piesień u Francyi, vypuščanych u XXI stahodździ. Ale pieśnia stała papularnaj i ŭ našaj krainie: jaje vielmi aktyŭna krucili pa radyjo.
Dalida, Alain Delon — Paroles paroles
Mała chto viedaje, što hety francuzski chit, vykanany zorkami šansonu i kiniematohrafu, źjaŭlajecca kavieram na italjanskuju pieśniu. Aryhinalnaja kampazicyja italjancaŭ Miny i Albierta Łuła akazałasia mienš papularnaj.
Indila — Dernière danse
Indziła — adna z zorak sučasnaj francuzskaj muzyki. Jaje pieršaja pieśnia «Dernière danse» («Apošni taniec») na praciahu 77 tydniaŭ trymałasia ŭ chit-paradach, a klip sabraŭ 725 miljonaŭ prahladaŭ na jutubie.
Charles Aznavour — La bohème
Hetu pieśniu pavinien byŭ vykonvać Žorž Hietary ŭ apierecie «Mieśje Karnavał», ale jaje zapisaŭ i vykanaŭ Šarl Aznavur, što spravakavała skandał pamiž artystami i łejbłami hukazapisu. U vyniku muzyki pamirylisia, a pieśnia zastałasia adnym z hałoŭnych chitoŭ karala šansonu.
Ilona — Un monde parfait
Pieśniu pra čaroŭnuju krainu z dobrymi žyviołami Iłona Mitresi zapisała, kali joj było ŭsiaho 11 hadoŭ. «Un monde parfait» imhnienna stała chitom, a junaj śpiavačcy praročyli vialikuju słavu. Adnak u 14 hod Iłona vyrašyła spynić kancertnuju dziejnaść i skancentravacca na vučobie.
Garou, Patrick Fiori, Daniel Lavoie — Belle
Centralnaja pieśnia miuzikła «Notre-Dame de Paris», u jakoj harbun Kvazimoda, śviatar Frało i kapitan łučnikaŭ Fieb pryznajucca ŭ kachańni da Eśmieraldy. Chit vychodziŭ jak asobny sinhł, a taksama byŭ pierakładzieny na dziasiatak movaŭ.
In-Grid — Tu Es Foutu
Za badzioraj miełodyjaj chavajecca tekst pra rasstańnie. Chłopiec tak nadakučyŭ dziaŭčynie svaimi pustymi abiacankami, što taja jamu kaža: «Ty niahodnik» (Tu Es Foutu).
Patricia Kaas — Mademoiselle chante le blues
Karjera Patrysii Kaas, śpiavački z pryhožym nizkim hołasam, nie adrazu pajšła ŭharu. Jaje pieršy sinhł byŭ pravalnym, a pieśniu pra mademuazel, što śpiavaje bluz, Kaas sama nasiła na radyjostancyi i maliła, kab jaje ŭziali.
Mylène Farmer — California
Pra Milen Farmer my zhadvali jak pra paśpiachovuju pradziusarku, ale nie zabyvajem, što jana zastajecca kultavaj śpiavačkaj, čyje pieśni słuchajuć miljony ludziej. Tekst kampazicyi «California» zachoplivaje temu šlachu i poŭny franka-anhłamoŭnych kałamburaŭ.
Édith Piaf — Non, Je ne regrette rien
Pieśnia-vizitoŭka Edyt Pijaf pryśviečana sałdatam zamiežnaha francuzskaha lehijonu. Paśla niaŭdałaha putča jany, nazaŭsiody pakidajučy svaje kazarmy ŭ Ałžyry, śpiavali: «Ja ni pra što nie škaduju».
Amel Bent — Ma philosophie
U svajoj pieršaj pieśni «Maja fiłasofija» śpiavačka Amel Bient sfarmulavała svajo žyćciovaje kreda: zastavacca saboj i vysoka trymać hałavu ŭ vyprabavańniach. Dziaŭčyna ź siamji imihrantaŭ vydatna razumieła, što heta takoje, tamu, vidać, pieśnia i stała takoj papularnaj.
Mireille Mathieu — Pardonne-moi ce caprice d'enfant
Kampazicyja Mirej Maćjo źjaŭlajecca, pa sutnaści, malboj žančyny da kachanaha mužčyny, jakoha jana kinuła dziela novych adčuvańniaŭ, daravać joj hety kapryz. Z kožnym novym ramanam hierainia pieśni ŭsio bolš pierakonvajecca ŭ tym, što kachaje tolki taho mužčynu, jakoha kinuła.
Stromae — Alors on danse
Zvyčajna nieanhłamoŭnyja pieśni majuć łakalny pośpiech, ale chit bielhijskaha repiera zdabyŭ papularnaść va ŭsim śviecie, miesiacami lidzirujučy ŭ chit-paradach. A videa na jutubie nabrała bolš za 260 miljonaŭ prahladaŭ.
Vanessa Paradis — Joe le taxi
Byłoj žoncy Džoni Depa było ŭsiaho 14 hadoŭ, kali jana zapisała pieśniu pra taksista Džo, jaki lepš za astatnich viedaje Paryž i jahonyja miescy. Jon lubić pić rom, łacinskija tancy i svoj žoŭty saksafon.
Charles Aznavour — Une vie d'amour
Aryhinalnaja pieśnia pra viečnaje kachańnie była zapisanaja Šarlem Aznavuram dla alboma «Autobiographie». Na im ža była i ruskamoŭnaja viersija, vykananaja ŭ duecie ź Mirej Maćjo, jakaja taksama śpiavała jaje i asobna.
Lara Fabian — Je t'aime
U pieśni «Je t'aime» źjaviłasia spačatku muzyka — jaje napisaŭ pradziusar Ryk Alisan, znachodziačysia pad uražańniem ad inšaha francuzskaha supierchita Je suis malade, jaki Łara vykanała razam ź Sieržam Łama na jahonym kancercie. Fabijan ža źjaŭlajecca aŭtarkaj tekstu pieśni.
A1 Xplore Music ad Deezer — heta muzyčny pradukt A1. Ałharytmy dadatku Deezer dazvalajuć karystalnikam A1 Xplore Music ad Deezer atrymlivać piersanalnyja rekamiendacyi pa padbory trekaŭ, karystacca ŭbudavanaj u płatformu funkcyjaj raspaznavańnia piesień i słuchać lubimuju muzyku, aŭdyjaknihi i padkasty z vysokaj jakaściu huku bieź pierapynkaŭ na rekłamu.
