Rektar Akademii kiravańnia pry prezidencie Viačasłaŭ Daniłovič raspavioŭ u efiry ANT, što pad BČB-ściaham ničoha stanoŭčaha Biełarusi dasiahnuć nie ŭdałosia.
«Byŭ pieryjad, kali bieł-čyrvona-bieły ściah byŭ dziaržaŭnym u Respublicy Biełaruś — 1991-1995 hady, da refierendumu. Najciažejšy pieryjad — sacyjalna-ekanamičny kryzis, hramadska-palityčnaja situacyja najskładaniejšaja. Kultura — u zahonie. I pazityŭnyja źmieny pajšli paśla taho, jak pytańnie ab dziaržsimvolicy absalutna demakratyčna było vyniesiena našym prezidentam na refierendum, i narod vykazaŭsia — simvoliku źmianili. I tady pastupova pačało naładžvacca žyćcio. Heta nie značyć, što tolki ŭ simvolicy była prablema, ale vielmi važna, jakaja simvolika staić na čale dziaržavy, što za joj, jaki histaryčny bekhraŭnd», — skazaŭ Viačasłaŭ Daniłavič.
