fota Onliner.by
Hierasimienia atrymała ŭčastak u 2018 hodzie pa toj ža schiemie, što i astatnija 100 pradstaŭnikoŭ namienkłatury i spartyŭnaj elity — nie praz aŭkcyjon, a zakrytym rašeńniem Minharvykankama.
Niepasrednyja susiedzi spartsmienki — Natalla Kačanava i Stanisłaŭ Zaś. Ale kali Hierasimienia rašuča vystupiła suprać Alaksandra Łukašenki, a jaje Fond spartyŭnaj salidarnaści dabiŭsia admieny čempijanata śvietu pa chakiei ŭ Minsku, raptoŭna znajšlisia prablemy z dakumientacyjaj.
Hierasimieni paviedamili, što kali jana nie vypravić pamyłki ŭ prajekcie da 5 sakavika 2021 hoda, učastak budzie kanfiskavany. Jaje baćka, jaki zajmajecca budaŭnictvam, zajaviŭ, što skarektavać dakumientacyju tak chutka nie atrymajecca.
Sama spartsmienka žyvie ŭ Vilni.
