Jak piša ispanskaja El Pais, jeŭrapiejski siertyfikat ab vakcynacyi dazvolić ludziam, pryščeplenym rasijskaj abo kitajskaj vakcynaj ad COVID-19, zajazdžać u dziaržavy, jakija ŭchvalili hetyja preparaty na nacyjanalnym uzroŭni.
Pavodle vydańnia, siertyfikat dazvolić hramadzianam, vakcynavanym lubym preparatam, jaki ŭchvaliła Jeŭrapiejskaje ahienctva lekavych srodkaŭ (EMA), ujazdžać u krainy — siabry ES.
Dakumient taksama vydaduć tym ludziam, jakija pryščapilisia vakcynami, uchvalenymi dziaržavami ES na nacyjanalnym uzroŭni, — jany zmohuć naviedvać hetyja krainy, piša El Pais. Havorka, u pryvatnaści, idzie pra «Sputnik V» i preparat ad kitajskaj kampanii Sinopharm. Jaho možna vykarystoŭvać u pryščepačnaj kampanii ŭ Vienhryi i Słavakii. Toje samaje tyčycca vakcyny, jakija atrymali adabreńnie Suśvietnaj arhanizacyi achovy zdaroŭja (SAAZ).
