Heta adbudziecca, kali administracyja sacsietki admovicca vydalić zabaronienuju infarmacyju, dastupnuju na płatformie, paviedamiŭ TASS namieśnik kiraŭnika viedamstva Vadzim Subocin.
«My ŭziali miesiac i nazirajem za reakcyjaj kampanii Twitter pa pytańni vydaleńnia zabaronienaj infarmacyi. Paśla čaho, u zaležnaści ad dziejańniaŭ administracyi sacyjalnaj sietki, buduć pryniaty adpaviednyja rašeńni. Kali Twitter nie vykanaje patrabavańni Raskamnahladu, patrabavańni rasijskaha zakanadaŭstva, adpaviedna, budziem razhladać pytańnie ab poŭnym błakavańni servisu na terytoryi Rasii», — adznačyŭ Subocin. 10 sakavika Raskamnahlad zamarudziŭ pracu Twitter u Rasii.
Rehulatar pajšoŭ na takija miery z-za taho, što maderatary sacsietki nie ŭ poŭnaj miery vydalajuć zabaronieny ŭ Rasii kantent. Tady ž supracoŭniki viedamstva paabiacali zabłakavać placoŭku, kali taja nie pojdzie na sastupki.
