Jak rastłumačyli ŭ viedamstvie, Raśsielhasnahlad zaniepakojeny praciahłymi sprobami ŭvozu ŭ Rasiju ź Biełarusi sankcyjnaj pradukcyi. 9 sakavika byŭ vyjaŭleny čarhovy transpartny srodak, što pieravoziŭ polskija jabłyki pad vyhladam biełaruskaj pradukcyi, vyraščanaj u Bresckaj vobłaści.
Pradukcyja supravadžałasia fitasanitarnym siertyfikatam, vydadzienym Hałoŭnaj dziaržaŭnaj inśpiekcyjaj pa nasieńniavodstvie, karancinie i achovie raślin Respubliki Biełaruś, jaki paćviardžaŭ biełaruskaje pachodžańnie jabłykaŭ. Adnak, jak paviedamili ŭ rasijskim viedamstvie, markiroŭka śviedčyła ab tym, što jabłyki byli vyraščany ŭ Polščy.