Eks-prezident Polščy Lech Valensa zapisaŭ raźvitalny videazvarot i vykłaŭ jaho na svajoj staroncy ŭ Facebook pierad tym, jak lehčy ŭ balnicu.
78-hadovaha Valensu čakaje składanaja apieracyja na sercy: u jaho kardyjastymulatary łopnuŭ elektrod. Akramia hetaha, były prezident Polščy chvareje na cukroŭku i inšyja chraničnyja zachvorvańni.
— Ja hatovy da dvuch asnoŭnych vynikaŭ. Nie viedajučy, kali my sustreniemsia nastupnym razam, nie viedajučy, ci sustreniemsia my naohuł, ja chaču skazać vam — što rabiŭ usio, kab dobra słužyć narodu, — zajaviŭ jon u svaim videazvarocie.
Lech Valensa — viadomy palityčny dziejač. U hady kamunistyčnaj Polščy jon uznačaliŭ pieršaje ŭ krainie abjadnańnie niezaležnych prafsajuzaŭ. Źjaŭlajecca łaŭreatam Nobieleŭskaj premii miru. U 1990 hodzie Valensa byŭ abrany pieršym prezidentam Polščy, kiravaŭ krainaj 5 hadoŭ.
