Fota Depositphotos.com
Karystajciesia miernaj stužkaj
Zaŭsiody ciažka vyznačyć, nakolki dvuchmierny malunak na ekranie budzie padychodzić da vašaha trochmiernaha cieła. Ale bolšaść kampanij dajuć maksimum infarmacyi pra svaju pamiernuju sietku. Vodhuki taksama mohuć być karysnymi — naprykład, tam možna znajści infarmacyju pra toje, ci małamierny tavar, a taksama ci prychodziłasia pakupnikam jaho viartać u kramu, raić The Guardian.
Ivon Tełfard, zasnavalnica maleńkaha brenda Kemi Telford, prosić svaich klijentaŭ zdymać mierki pierad tym, jak zakazvać adzieńnie brenda anłajn. Kali niešta ŭsio roŭna nie padydzie, možna budzie zdać adzieńnie ŭ kravieckuju majsterniu.
Vyrašycie, što vam treba
Brytanskaja fešn-žurnalistka Džes Kartner-Mośli raspaviadaje, što dla jaje važna maksimalna skaracić čas pošuku patrebnaha tavaru. Jana vybiraje kankretnyja brendy dla pošuku, paznačaje, jakaja cana dla jaje maksimalna mahčymaja, vyznačaje svoj pamier i ŭvohule robić usio mahčymaje, kab nie prahortvać dziasiatki tavaraŭ u pošuku patrebnaha.
Starajciesia nie viartać tavary
Tryvožna, što bolšaść adzieńnia, jakoje viarnuli paśla anłajn-prodažu, nie budzie znoŭ pradadzienaje. Asnoŭnaja častka dystrybjutaraŭ nie maje miechanizmaŭ dla taho, kab spraŭlacca ź vialikaj kolkaściu tavaraŭ, što viartajecca, tamu šmat ź ich pryjdzie na składy abo paškodžanymi, abo ŭžo paśla taho, jak tavar vyjdzie z prodažu. Da taho ž, transparciroŭka takich tavaraŭ — dadatkovaja nahruzka na ekałohiju.
Tamu starajciesia padychodzić da šopinhu maksimalna ŭzvažana. Płanujcie, jakoje adzieńnie vam treba kuplać, taksama dajcie sabie čas na toje, kab u spakojnym nastroi vyrašyć, ci sapraŭdy vam patrebny hety pradmiet.
Pradumajcie, što vam pasuje
Prahladzicie ŭłasny harderob — mahčyma, jość detali, jakija paŭtarajucca ŭ roznych pradmietach adzieńnia. Napeŭna, heta toje, što vam sapraŭdy pasuje. Toje ž samaje datyčycca tkaniny — kali ŭsio vaša adzieńnie zroblenaje z džersi, mahčyma, šaŭkovyja pradmiety — heta nie vaša.
