U forumie, arhanizavanym prajektam «Abjadnanyja demakraty», meta jakoha viarnuć u Rasiju «realnuju palityku i kankurentnyja vybary», brali ŭdzieł abranyja ŭ miascovyja orhany ŭłady pradstaŭniki rasijskaj apazicyi. Na jaho źjechalisia kala 150 hramadskich dziejačaŭ z usioj Rasii, bolš za 30 śpikieraŭ pavinny byli padzialicca dośviedam.
Adnak praviadzieńniu forumu pieraškodziła palicyja, jakaja nieŭzabavie paśla jaho pačatku pačała zatrymlivać usich prysutnych sa słovami: «Vaša mierapryjemstva skončana pa fakcie ažyćciaŭleńnia dziejnaści arhanizacyi, dziejnaść jakoj niepažadanaja na terytoryi RF. Vy ciapier usie budziecie zatrymanyja».
U liku zatrymanych były mer Jekaciarynburha Jaŭhien Rojzman, maskoŭskija municypalnyja deputaty Illa Jašyn i Julija Halamina, apazicyjanier Uładzimir Kara-Murza małodšy i vykanaŭčy dyrektar «Adkrytaj Rasii» Andrej Pivavaraŭ.
