Dzianis Ivašyn
«Dziakuj usim, chto pieražyvaje, molicca i hatovy dapamahčy. Dzianisa trymajuć u viaźnicy, u chacie i na leciščy byŭ pieratrus, vymali ŭsie nośbity infarmacyi (telefony, noŭtbuki, kampjutary), sim-karty, bankaŭskija kartki, knihi, natatniki, zapisy, hrošy dy roznuju drabiazu, kštałtu ściažkoŭ, značkaŭ, vizitak dy inšaje. Vielmi cikaviła ŭsio, źviazanaje z Ukrainaj, choć kryminalny artykuł u pastanovie na pieratrus niby pra raspaŭsiud asabistaj infarmacyi», — paviedamiła Volha.
Kali pieratrusy skončylisia, Ivašyna pavieźli ŭ hrodzienskuju turmu №1.
Dzianis Ivašyn — hrodzienski žurnalist-rasśledavalnik, pisaŭ pra restaracyju ŭ Kurapatach, udzieł biełaruskich siłavikoŭ u bajavych dziejańniach na ŭschodzie Ukrainy ŭ składzie prarasijskich farmavańniaŭ, a taksama losach «bierkutaŭcaŭ», jakija ŭciakli z Ukrainy i pačali słužbu ŭ biełaruskim AMAPie. Svaje rasśledavańni Ivašyn publikavaŭ pieravažna ŭ «Novym Časie».
