Pa kryminalnaj spravie ab «hieraizacyi vajennych złačyncaŭ» zatrymany 43-hadovy bieraściejec, paviedamlaje SK.
Spravu raspačaŭ prakuror Bresta. Paviedamlajecca, što 28 lutaha nibyta byli ŭčynienyja dziejańni, «nakiravanyja na reabilitacyju nacyzmu i raspalvańnie nacyjanalnaj varožaści». Pa padazreńni ŭ ździajśnieńni złačynstva zatrymany adzin z suzasnavalnikaŭ TAA «Polskaja škoła». Mužčyna znachodzicca ŭ IČU.
Kanfiskavanaja ofisnaja technika, statutnaja dakumientacyja i inšyja materyjały, u tym liku płakaty i litaratura ab dziejnaści Ramualda Rajsa.
Nahadajem, 9 sakavika ŭ MZS Biełarusi byŭ vyklikany Časovy Pavierany ŭ spravach Polščy ŭ Biełarusi Marcin Vajciachoŭski. Padčas sustrečy polskamu dypłamatu byŭ zajaŭleny rašučy pratest u suviazi z udziełam konsuła Hienieralnaha konsulstva Respubliki Polšča ŭ Breście Ježy Cimafiejuka ŭ nieaficyjnym mierapryjemstvie, pryśviečanym «dniu vyklatych žaŭnieraŭ», jaki prajšoŭ 28 lutaha 2021 hoda ŭ Breście z udziełam pradstaŭnikoŭ źviazanych z Polščaj niaŭradavych i moładzievych arhanizacyj.
Na dumku biełaruskaha boku, udziełam va ŭkazanym mierapryjemstvie polski pradstaŭnik «hruba parušyŭ normy mižnarodnaha prava, u pryvatnaści — Vienskuju kanviencyju ab konsulskich znosinach».
Konsułu Hienieralnaha konsulstva Respubliki Polšča ŭ Breście Ježy Cimafiejuku prapanavana pakinuć terytoryju Respubliki Biełaruś.
Nacyjanalny Dzień pamiaci «vyklatych žaŭnieraŭ» adznačajecca ŭ Polščy 1 sakavika z 2011 hoda. Havorka idzie pra ŭdzielnikaŭ antysavieckaha padpolla, jakija zmahalisia za niezaležnaść krainy. Siarod ich byli i sałdaty atrada Buraha, jakija spalili piać viosak na terytoryi ź biełaruskim pravasłaŭnym nasielnictvam.