Na siesii Ciarnopalskaha haradskoha savieta pryniali rašeńnie ab prysvajeńni haradskomu stadyjonu nazvy «Ciarnopalski haradski stadyjon imia Ramana Šuchieviča».
Raman Šuchievič — hałoŭnakamandujučy Ukrainskaj paŭstanckaj armii.
Deputaty adnahałosna padtrymali inicyjatyvu ab novaj naźvie stadyjona.
Heta rašeńnie asudziŭ pasoł Izraila va Ukrainie Džael Lijon.
«My rašuča asudžajem rašeńnie Ciarnopalskaha haradskoha savieta prysvoić haradskomu stadyjonu imia sumna viadomaha haŭptmana #SS Schutzmannschaft 201 Ramana Šuchieviča i patrabujem nieadkładnaj admieny hetaha rašeńnia», — zajaviŭ pasoł.
Mer Ciarnopala Siarhiej Nadał ličyć, što ambasadar Izraila va Ukrainie, jaki aburyŭsia prysvajeńniem imia hałoŭnakamandujučaha UPA Ramana Šuchieviča ciarnopalskamu stadyjonu, staŭ zakładnikam «savieckaj histaryjahrafii». Admianiać svajo rašeńnie miascovyja ŭłady nie buduć.
Mer nahadaŭ, što siarod lidaraŭ ukrainskich paŭstancaŭ byli jaŭrei: Lejba-Icyk Dabroŭski, rabotnik palityčnaha adździeła UPA, Łazar i Majsiej Arechavy-Štejn.
Što tyčycca samoha Šuchieviča, mer nahadvaje, što ź vieraśnia 1942 pa luty 1943 hoda siamja Ramana Šuchieviča chavała ŭ svaim domie ad pieraśledu nacystami susiedskuju jaŭrejskuju dziaŭčynku Irynu Rajchienbierh.
U svaju čarhu polski horad Zamoście prypyniŭ adnosiny ź Ciarnopalem i admoviŭsia ad ahulnaha prajekta z horadam z-za pierajmienavańnia stadyjona ŭ honar Šuchieviča.
«Ja pavažaju prava kožnaha naroda na ŭłasnaje razumieńnie historyi. Adnak ja nie mahu prajści mima žorstkaści vajny i niepavahi da biezabaronnych achviar z boku polskaha naroda», — adznačyŭ mer polskaha horada Andžej Unuk.
