Apošnim časam karystalniki sacyjalnych sietak vykazvali chvalavańnie z pryčyny źniknieńnia z hramadskaj prastory skulptara Henika Łojki (aŭtara, siarod inšaha, pomnika Tadevušu Kaściušku ŭ Kosavie).
Uvosień skulptar byŭ asudžany na 20 sutak, adbyvaŭ pakarańnie na Akreścina, bolš pra jaho ničoha nie było viadoma šyrokaj hramadskaści.
Fota z fejsbuka Henika Łojki
Henik Łojka vyjšaŭ u fejsbuk i napisaŭ, što sapraŭdy adbyvaŭ pakarańnie na Akreścina, a taksama ŭ Žodzinie i Mahilovie, a ciapier znachodzicca ŭ Ńju-Jorku. Jon paviedamiŭ, što zrabiŭ biusty Tadevuša Kaściuški i Kastusia Kalinoŭskaha.
«Biusty adlityja z bronzy. Zastałosia ich ustalavać na biełaruskaj ziamli. Čamuści (viadoma čamu) Radzima pakul što ich nie prymaje. Dyk Amieryka łaskava pradstaviła nam svoj kantynient. I my ciapier budziem zasnoŭvać pastamienty pry biełaruskaj carkvie sv. Kiryły Turaŭskaha na łapiku biełaruskaj ziamli ŭ horadzie Ńju-Jorku».
Zianon Paźniak vykazaŭ mierkavańnie, što skulptury vykananyja na vysokim mastackim uzroŭni, i zaklikaŭ biełarusaŭ śvietu dałučycca da zboru hrošaj na ŭstalavańnie biustaŭ.
