2 sakavika doktara-aniestezijołaha Arcioma Sarokina vyzvalili ŭ zale suda. Sud Maskoŭskaha rajona Minska pryznaŭ jaho vinavatym u razhałašeńni miedyčnaj tajamnicy i pryznačyŭ u jakaści pakarańnia dva hady kałonii, ale z adterminoŭkaj na hod. Heta značyć, što doktar budzie na voli, i praz hod, kali jon nie zrobić nijakich pravaparušeńniaŭ, pakarańnie budzie źniataje.
Ciapier Arciom Sarokin znachodzicca doma, razam ź siamjoj. Pa słovach žonki Natalli, jon napisaŭ zajavu na adpačynak za svoj košt. Da pracy doktar płanuje prystupić 16 sakavika. Na ciapierašni momant jon znachodzicca pad padpiskaj ab niavyjeździe. Z 19 listapada 2020 hoda jon znachodziŭsia pad vartaj. Śpiarša — u SIZA KDB, zatym — u SIZA №1 na vulicy Vaładarskaha ŭ Minsku.
— Rychtujemsia sustrakać Arcioma ŭ balnicy. Jaho čakajem nie tolki my, ale i kalehi z susiednich adździaleńniaŭ. Pieradajuć jamu pryvitańni i zyčuć najchutčejšaj sustrečy ŭ apieracyjnaj, — raspaviadaje doktar adździaleńnia aniestezijałohii BCHMD u Minsku.
Prysud Sarokin vyrašyŭ nie abskardžvać.
