— Mianie vyklikali ŭ Śledčy kamitet jak śviedku pa kryminalnaj spravie. Kryminalnaja sprava zaviedzienaja na niekalki čałaviek z BY_help. Mnie zadali pytańnie, chto i jak apłačvaŭ mnie štraf, — napisaŭ adzin z čytačoŭ.
Jašče adna čytačka raspaviała, što jaje taksama vyklikali ŭ jakaści śviedki pa kryminalnaj spravie, ale nie ŭ SK, a ŭ Departamient finansavych rasśledavańniaŭ (DFR). Jana tudy pakul nie schadziła i paprasiła vysłać joj adpaviednuju pozvu.
— Pozva apynułasia ŭ paštovaj skryni, na 11-je. Biez uručeńnia asabista jana nie maje nijakaj vahi. Z fondu mnie dasłali pamiatku, jak siabie pavodzić na dopycie, tak što ja ŭzbroiłasia viedami, — kaža čytačka.
Raniej Śledčy kamitet užo papiaredžvaŭ ab tym, što atrymalniki hrašovaj dapamohi ad BY_help zmohuć dać pakazańni «pra abstaviny, krynicy i mety pastupleńnia hrašovych srodkaŭ na rachunak u banku na dopycie ŭ jakaści śviedki paśla vykliku śledčym abo pa jaho daručeńni supracoŭnikam orhana daznańnia».
