catholic.by
Pa zaprašeńni miascovaha probašča ksiandza kanonika Ihara Łašuka zasłužany ijerarch celebravaŭ śviatuju Imšu dla parafijalnaj supolnaści ŭ novazbudavanym kaściole.
«My žyviom u taki čas, kali naturalnyja rečy, vyraby i navat ježa zamianiajucca štučnymi, bo jany tańniejšyja. Ale nikoli tańniejšymi nie mohuć być maralnyja kaštoŭnaści. Jany nie mohuć devalvavacca. Jevanhielle dadziena nam nie dla taho, kab my jaho źmianiali, ale kab jano źmianiała nas zhodna z patrabavańniami maralnaha zakonu», — padkreśliŭ arcybiskup Kandrusievič.
Na zakančeńnie ijerarch śćvierdziŭ:
«Žyćcio čałavieka źjaŭlajecca niaspynnaj baraćboj, u jakoj dabrom my pavinny pieramahać zło. U kožnuju epochu historyi čałaviectvu patrebnyja nie stolki refarmatary i revalucyjaniery, kolki ludzi mudryja i śviatyja.
Niachaj dobry Boh adoryć nas łaskaj być padobnymi ŭ hetym da našaha niabiesnaha apiekuna śviatoha Kazimira, kab budavać cyvilizacyju žyćcia i lubovi, a ŭ viečnaści razam ź im padzialić radaść nieba», — zaviaršyŭ svaju hamiliju arcybiskup Tadevuš Kandrusievič.
