Fota Depositphotos.com
Takim čynam Si Czińpin imkniecca adsiejać usich niełajalnych. Niaŭžo ŭ Kitai sapraŭdy isnuje surjoznaja apazicyja Si Czińpinu?
Mnohija prostyja hramadzianie zadavolenyja jaho kiravańniem. Pry im Kitaj staŭ našmat bolš upłyvovaj dziaržavaj u suśvietnym maštabie. Ekanomika praciahvaje raści, niahledziačy navat na pandemiju. Jaho antykarupcyjnyja namahańni taksama vyklikajuć uchvału ŭ hramadstvie. Niama jaŭnych prykmiet niezadavolenaści i ŭnutry partyjnaj elity. A tyja, chto maje niešta suprać kiraŭnika, viedajuć, što im lepš trymać rot na zamku, piša The Economist.
Adnak źniešniamu śvietu składana mierkavać pra stan palityčnaj sistemy Kitaja. Adna z zajaŭlenych met čystki ŭ śpiecsłužbach zaklučajecca ŭ tym, kab całkam źniščyć «zhubny ŭpłyŭ» Čžou Junkana, jaki byŭ kiraŭnikom śpiecsłužbaŭ da prychodu Si Czińpina.
Čžou Junkana pasadzili ŭ turmu ŭ 2015 hodzie za karupcyju i ŭciečku dziaržaŭnaj sakretnaj infarmacyi. Čynoŭniki taksama abvinavacili jaho ŭ zmovie suprać Si Czińpina.
Toje, što jaho imia zhadvajecca da hetaha času, śviedčyć pra peŭnuju napružanaść, adnak składana mierkavać, nakolki jana moža być surjoznaj. Tym nie mienš, pad čystku trapili palicyja, u tym liku dziaržbiaśpieka, sudovaja i turemnaja sistemy. Užo šmat supracoŭnikaŭ, u tym liku niekalki ŭpłyvovych fihur, byli zvolnienyja.
Heta ŭsio śviedčyć pra žadańnie Si Czińpina zachavać uładu jak maha daŭžej. U 2022 hodzie projdzie vialikaja palityčnaja padzieja dla KNR — źjezd partyi. Vierahodna, što Si Czińpin zachoča zastacca va ŭładzie jašče na 5 hadoŭ, niahledziačy na raniejšaje praviła, zhodna ź jakim hienieralny sakratar kiruje 10 hadoŭ, a paśla sychodzić u adstaŭku. Jakraz uzmacnieńnie kantrolu nad siłavymi strukturami dapamoža kiraŭniku padavić lubuju apazicyju.
Si Czińpin admianiŭ abmiežavańnie 10 hadoŭ na znachodžańnie na čale partyi i dziaržavy, za čas svajho kiravańnia jon zachapiŭ vialikuju kolkaść ryčahoŭ zachavańnia ŭłady. Pry ŭładzie Si Czińpina režym staŭ jašče bolš skrytym. Takaja sakretnaść robić urad mienš padspravazdačnym hramadzianam i bolš niezrazumiełym dla astatniaha śvietu.
