Ryhor Azaronak u siužecie pra Akreścina
Nie ŭsie biełarusy zrazumieli, jak možna prysudžać taki miedal čałavieku, jaki ni ŭ jakich bajach nie ŭdzielničaŭ.
Inicyjataram lista ŭ Administracyju staŭ namieśnik staršyni Asacyjacyi invalidaŭ vajny ŭ Afhanistanie, kapitan zapasu, invalid II hrupy Barys Duboŭski, jaki ŭ pačatku 1980-ch słužyŭ u składzie savieckaha kantynhientu ŭ Kandahary, piša «Radyjo Svaboda».
Jamu pryjšoŭ adkaz.
«Vykonvajučy svaju pracu, žurnalist Azaronak R. Ju., prajaviŭšy śmiełaść i hramadzianskuju mužnaść va ŭmovach, spałučanych ź niebiaśpiekaj dla zdaroŭja, padviarhajučysia abrazam jaho honaru i hodnaści, realizavaŭ prava hramadzianaŭ na atrymańnie apieratyŭnaj i praŭdzivaj infarmacyi pra hramadska-palityčnyja pracesy, jakija adbyvalisia ŭ Biełarusi ŭ 2020 hodzie», — havorycca ŭ adkazie načalnika hałoŭnaha ŭpraŭleńnia pracy sa zvarotami hramadzian Ryhora Šłyka.
Čytajcie taksama: Azaronak zrabiŭ na Akreścina fota z hraduśnikam na ścianie, jon pakazvaje +20. Akazałasia, što hraduśnik lažaŭ na batarei
Pamiatajecie prapahandysta Azaronka z 1990-ch? Ciapier jaho syn padros i plažyć apazicyju ŭ efiry STB
