Fota Siamiona Levaha
Varta było tolki padźmuć pieršamu ciopłamu vietru, jak Alžusia, nie zatrymlivajučysia na ŭradlivych dalinach Fiesałonikaŭ i Iraklii, pierasiekła ŭsiu Hrecyju, pieralacieła zaśniežanyja jašče Piryny i ŭziała kirunak na paŭnočny ŭschod nad terytoryjaj Bałharyi, paviedamlajuć ptushki.org.
Sustrečny viecier spyniŭ jaje na čas u Bałkanskich harach na poŭnačy krainy. Samy chutki viasnovy pieralot z Hrecyi ŭ Biełaruś doŭžyŭsia 9 dzion.
Palot Alžusi
Usiaho ž u Biełarusi identyfikavany 21 vialiki arlec (u tym liku dva hibrydy).
Akramia Alžusi na Bałkanach sioleta zimuje jašče 6 ptušak — samki Dzianisa, Łana, Ždana, Juzefina i samcy Błond i Dubovy. U Izraili na svajoj sažałcy rybhasa ŭžo jaki hod pravodzić zimu samiec Ladziec.
ptushki.org
U Paŭnočnaj Afrycy arlacy taksama raźmierkavalisia pa svaim ŭlubionym miescam. Piarun spyniŭsia na Asuanskim vadaschoviščy ŭ Jehipcie. Cichan pačaŭ zimoŭku ŭ Sudanie, a potym tradycyjna pieralacieŭ na voziera Tana ŭ Efiopiju. Viełuta, Ždan i novy samiec Dzimon z Almanskich bałot zimujuć na miažy Paŭdniovaha Sudana i Efiopii.
Hibrydy Łan i Lada laciać dalej za ŭsich — u Paŭdniovuju Afryku.
Trekinh Łana i Lady
