Pavodle jaho źviestak, restrykcyi buduć uviedzienyja ŭ ramkach zakona ab kantroli nad chimičnaj i bijałahičnaj zbrojaj ad 1991 hoda, a taksama ŭ adpaviednaści z dvuma vykanaŭčymi ŭkazami. Adzin ź ich byŭ padpisany ŭ sakaviku 2014 hoda, paśla praviadzieńnia ŭ Krymie refierendumu pra dałučeńnie da Rasii, prezidentam ZŠA Barakam Abamam. Dakumient praduhledžvaje mahčymaść uviadzieńnia sankcyj u dačynieńni da rasijskich aficyjnych asob. Druhi ŭkaz, ad 2005 hoda, tyčycca baraćby z pašyreńniem zbroi masavaha źniščeńnia.
Krynicy Reuters admovilisia ŭdakładnić, suprać kaho mienavita płanujucca novyja abmiežavalnyja miery, adnak adznačyli, što Vašynhton zachavaje dziejańnie vyklučeńniaŭ z-pad sankcyj, jakija raspaŭsiudžvajucca na zamiežnuju dapamohu, a taksama ŭklučajuć niekatoryja ekspartnyja licenzii dla Rasii.
U paniadziełak telekampanija CNN sa spasyłkaj na krynicy ŭ administracyi ZŠA paviedamlała, što Vašynhton maje namier uvieści abmiežavalnyja miery ŭ dačynieńni da Rasii z-za situacyi vakoł Navalnaha na hetym tydni. Pavodle źviestak CNN, uviadzieńnie restrykcyjaŭ budzie adbyvacca ŭ kaardynacyi ź Jeŭrapiejskim sajuzam.
